Mótsmiðasala hefst 7. ágúst á tix.is
Mótsmiðasala á heimaleiki A landsliðs karla í Þjóðadeildinni hefst miðvikudaginn 7. ágúst kl. 12:00 á tix.is. Tryggðu þér mótsmiða og þín sæti á alla heimaleiki haustsins hjá strákunum okkar!
Ísland hefur leik í Þjóðadeild karla 2024 á Laugardalsvelli þann 6. september næstkomandi. Með Íslandi í riðli eru Svartfjallaland, Wales og Tyrkland, og gildir mótsmiði á alla heimaleiki Íslands í keppninni. Með mótsmiða tryggir kaupandinn sér sömu sæti á öllum leikjunum.
Með kaupum á mótsmiða fæst 20% afsláttur af miðum í almennri miðasölu. Hægt verður að kaupa miða í fimm verðflokkum frá kr 5.200 til kr 21.360 - sem fyrr með 50% afslætti fyrir 16 ára og yngri.
Almenn miðasala á staka leiki hefst tveimur vikum fyrir hvern leik.
Heimaleikir Íslands í Þjóðadeildinni:
- Ísland – Svartfjallaland föstudaginn 6. september kl. 18:45
- Ísland – Wales föstudaginn 11. október kl. 18:45
- Ísland – Tyrkland mánudaginn 14.október kl 18:45
Mætum á völlinn – Áfram Ísland!
