Þróttur V. B-deildar meistarar Lengjubikars karla
Mynd - Helgi Þór Gunnarsson
Þróttur V. eru B-deildar meistarar Lengjubikars karla eftir sigur á Haukum í úrslitaleik keppninnar.
Leikurinn fór fram á mánudag og endaði með 3-2 sigri Þróttar V. Haukar skoruðu fyrstu tvö mörk leiksins og voru þar á ferðinni þeir Frosti Brynjólfsson og Fannar Óli Friðleifsson. Ásgeir Marteinsson minnkaði muninn þegar tíu mínútur voru eftir af fyrri hálfleik og leiddu Haukar því í hálfleik.
Ásgeir var aftur á ferðinni fyrir Þrótt V. eftir aðeins sjö mínútna leik í seinni hálfleik og Jóhannes Karl Bárðarson skoraði síðan sigurmarkið í lok leiks og sigur Þróttar V. því staðreynd.
Til hamingju Þróttur V.!
