Jafnrétti til sigurs án hinsegin fordóma

25. maí 2016 fór fram hádegisfundur um hinsegin fordóma en fyrirlesari var María Helga Guðmundsdóttir landsliðskona í karate og jafningjafræðari hjá Samtökunum 78. Hádegisfundurinn var samvinnuverkefni KSÍ, ÍSÍ og Samtakanna 78. María Helga fjallaði um stöðu hinsegin fólks í íþróttum, um kynjakerfið og hvernig það hefur áhrif á íþróttamenningu og þýðingu ýmissa hugtaka eins og intersex og kynsegin. 

Í fyrirlestrinum talaði María Helga um birtingaform fordóma á grundvelli kynhneigðar, kynvitundar og kyneinkenna í íþróttum. Í lok fyrirlestursins ræddi hún um hvernig þjálfari, liðsfélagi, stjórnarmaður eða foreldri geti stutt hinsegin fólk í íþróttum og stuðlað þannig að opnu og fordómalausu umhverfi.