.jpg?proc=1152)
Handbók leikja 2025 er komin út
Handbók leikja inniheldur ábendingar og leiðbeiningar til félaga um framkvæmd leikja. Handbókin er ætluð öllum félögum við framkvæmd leikja í meistaraflokki karla og kvenna, en sérstaklega er þó tekið mið af leikjum í Bestu deildum og Lengjudeildum og aðalkeppni Mjólkurbikarsins. Á fundi sínum 13. mars samþykkti stjórn KSÍ Handbók leikja 2025, sem er nú aðgengileg hér á vef KSÍ og hefur jafnframt verið send félögum.
Í Handbók leikja er fjallað um ýmsa þætti sem snúa að umgjörð og framkvæmd leikja. Á meðal efnis má nefna þátt samstarfsaðila og skyldur félaga við samstarfsaðila tiltekinna móta, ýmsa þætti sem snúa að leikvangi og umgjörð - aðstöðu og þjónustu við ýmsa aðila, öryggisþætti, starfsfólk heimaliðs, og vinnulag við skráningu úrslita og leikskýrslu.
Mynd: Helgi Halldórsson.
.jpg?proc=760)
