Ísland stendur í stað á heimslista FIFA
Mynd - Mummi Lú
A landslið karla stendur í stað á nýjum heimslista FIFA sem hefur verið gefinn út.
Ísland er þar áfram í 71. sæti, en frá því að síðasta útgáfa var gefin út hefur Ísland unnið einn leik, gegn Svartfjallalandi (74. sæti), og tapað einum, gegn Tyrklandi (26. sæti).
Næstu leikir liðsins eru tveir heimaleikir í október í Þjóðadeildinni. Ísland mætir Wales (29. sæti) föstudaginn 11. október og Tyrklandi mánudaginn 14. október.
Miðasala á leik Íslands og Wales er hafin á tix.is.
