EIns marks sigur í Póllandi
A landslið kvenna vann eins marks sigur á Póllandi þegar liðin mættust ytra í dag, þriðjudag, þegar fram fór lokaumferð undankeppni EM 2025. Eina mark leiksins kom á 32. mínútu þegar Sveindís Jane Jónsdóttir vann boltann af varnarmanni á kantinum, geystist inn í teiginn, plataði þar annan varnarmann og skoraði með þrumuskoti.
Þýskaland vann á sama tíma fjögurra marka sigur á Austurríki. Ísland hafnar því í öðru sæti riðilsins á eftir Þýskalandi, íslenska liðið með 13 stig og það þýska með 15 stig, og höfðu bæði lið þegar tryggt sæti sitt á EM 2025 í Sviss fyrir leiki dagsins.
