Mæta Hondúras aðfaranótt fimmtudags
A landslið karla mætir Hondúras í seinni vináttuleik sínum í janúarverkefninu sem nú stendur yfir. Leikurinn fer fram aðfaranótt fimmtudags kl. 01:00 að íslenskum tíma (20:00 á miðvikudagskvöld að staðartíma) og er leikið á sama stað og eins marks sigur vannst gegn Gvatemala á laugardagskvöld, DRV PNK Stadium í Fort Lauderdale, Florida. Eins og fyrri leikurinn verður viðureignin við Hondúras í beinni útsendingu (og opinni dagskrá) á Stöð 2 sport.
Íslenska liðið hefur æft við góðar aðstæður á æfingasvæði Inter Miami við keppnisvöllinn. Nokkur þúsund stuðningsmenn Gvatemala héldu uppi góðri stemmningu á leiknum síðasta laugardag, og er búist við svipuðum fjölda og sambærilegu andrúmslofti í leiknum gegn Hondúras.
Ísland hefur ekki áður mættt Hondúras í A landsliðum karla. Íslenska liðið er í 71. sæti á styrkleikalista FIFA og Hondúras er í 76. sæti.
Mynd: Jónína Guðbjörg (jggsport)
.jpg?proc=760)
