Mæta Gvatemala á miðnætti
A landslið karla mætir Gvatemala í vináttuleik á DRV Pink Stadium í Fort Lauderdale í Flórída í kvöld. Leikurinn hefst á miðnætti að íslenskum tíma og er í beinni og ólæstri dagskrá á Stöð 2 sport.
Íslenska liðið hefur æft við góðar aðstæður á æfingasvæði Inter Miami og allir leikmenn í hópnum eru klarir í slaginn. Búist er við góðri stemmningu á leiknum og að flestir áhorfendur verði á bandi Gvatemala.
Athugið að upprunalegum leiktíma hefur verið seinkað um hálftíma.
- Gvatemala – Ísland 13. janúar kl. 00:00 að íslenskum tíma (kl. 19:00 að staðartíma) - Bein útsending á Stöð 2 sport (opin dagskrá)
Ísland hefur aldrei mætt Gvatemala áður í A landsliðum karla. Gvatemala er í 108. sæti á styrkleikalista FIFA. Íslenska liðið er í 71. sæti listans.
