A karla í 71. sæti FIFA-listans
A landslið karla er í 71. sæti á síðasta styrkleikalista FIFA á árinu og stendur í stað frá síðustu útgáfu. Raunar eru litlar sem engar breytingar á listanum milli mánaða, enda hafa aðeins farið fram heilir 11 leikir A landsliða karla í öllum heiminum frá síðustu útgáfu.
Heimsmeistarar Argentínu eru í efsta sæti. Mótherjar Íslands í mars-undanúrslita-umspili um sæti í lokakeppni EM 2024, Ísrael, eru í 75. sæti. Liðin sem mætast í hinum umspils-undanúrslitaleiknum eru Bosnía-Hersegóvína (69. sæti) og Úkraína (22. sæti).
