Slóvakía á Laugardalsvelli á laugardag
A landslið karla mætir Slóvakíu á Laugardalsvelli á laugardag, í fyrsta heimaleik íslenska liðsins í undankeppni EM 2024. Ísland er með þrjú stig eftir tvo leiki í riðlinum en Slóvakía er með fjögur stig eftir markalaust jafntefli við Lúxemborg og tveggja marka sigur á Bosníu-Hersegóvínu. Íslenska liðið tapaði fyrsta leik sínum í mótinu, gegn Bosníumönnum, en vann síðan stærsta sigur A landsliðs karla í mótsleik frá upphafi þegar sjö marka sigur vannst á Liechtenstein.
Leikmannahópur Íslands hefur verið við æfingar á Laugardalsvelli síðustu tvær vikur undir stjórn nýs þjálfara, Norðmannsins Åge Hareide.
Leikurinn hefst kl. 18:45 en fyrir leikinn verður fan zone á svæðinu utan við leikvanginn það sem hægt er að kaupa ýmsar veitingar, og spreyta sig á knattþrautum og alls konar skemmtilegu, og er fólk hvatt til að mæta vel tímanlega fyrir leikinn.
Enn eru til miðar á leikinn og er miðasala opin á Tix.is.
Fyrir þau sem ekki komast á leikinn má benda á að hann verður í beinni sjónvarpsútsendingu á Viaplay (í opinni dagskrá).
.jpg?proc=760)
