Byrjendanámskeið fyrir dómara í höfuðstöðvum KSÍ 16. maí
Mynd - Mummi Lú
Byrjendanámskeið fyrir dómara í höfuðstöðvum KSÍ þriðjudaginn 16. maí kl. 17:00.
Námskeiðið er haldið af KSÍ í höfuðstöðvum KSÍ í Sóknini á 3. hæð. Námskeiðið stendur yfir í um tvær klukkustundir og er öllum opið sem náð hafa 15 ára aldri.
Í vetur og vor hafa verið haldin fjöldi byrjendanámskeiða. Þetta er síðasta námskeiðið á stór-Reykjavíkur svæðinu að sinni. Þráðurinn verður tekinn aftur upp næsta vetur.
Á námskeiðinu er lögð aðaláhersla á knattspyrnulögin en auk þess verður einnig farið yfir ýmis konar kynningarefni, fræðsluefni, skýringar og skýringarmyndir. Námskeiðinu lýkur með skriflegu prófi.
Námskeiðið er ókeypis.
Sá sem lýkur unglingadómaraprófi hefur rétt á að dæma í 4. flokki og neðar ásamt því að vera aðstoðardómari upp í 2. flokk. 100% viðvera á námskeiði skilyrði.
Skráning er hafin á magnus@ksi.is
