.JPG?proc=1152)
Leikið við Suður-Kóreu 11. nóvember
KSÍ getur nú staðfest seinni leik A landsliðs karla í fyrra nóvember-verkefninu sem er framundan. Áður hafði verið tilkynnt um leik við Sádi-Arabíu í Sameinuðu arabísku furstadæmunum 6. nóvember en nú hefur einnig verið staðfestur leikur við Suður-Kóreu í Hwaseong í nágrenni Seúl 11. nóvember. Hópurinn í þetta verkefni var kynntur síðastliðinn föstudag.
Seinna nóvember-verkefni íslenska liðsins verður svo þátttaka í Baltic Cup þar sem leika Eystrasaltslöndin Eistland, Lettland og Litháen, auk gestaþjóðarinnar Íslands. Þar mætir Ísland Litháen í undanúrslitum og mætir svo annað hvort Eistlandi eða Lettlandi í úrslitaleik um sigur í mótinu eða í leik um 3. sætið. Leikdagarnir eru 16. og 19. nóvember og verður hópurinn fyrir það verkefni tilkynntur síðar.
