A kvenna - Miðasala á Ísland-Belarús hefst 23. ágúst
Ísland tekur á móti Belarús í Undankeppni HM 2023 á Laugardalsvelli 2. september kl 17:30.
Miðasala fyrir leikinn hefst þriðjudaginn 23. ágúst kl. 12:00 á tix.is og er miðaverð frá 2023 kr. Börn fá 50% afslátt.
Leikurinn er næstsíðasti leikur liðsins í undankeppni HM sem fram fer í Ástralíu og Nýja-Sjálandi sumarið 2023. Fyrri leik liðanna lauk með 5-0 sigri Íslands.
Íslenska liðið er í 2. sæti riðilsins með 15 stig og Holland er í efsta sætinu með 17 stig og þær hollensku hafa spilað einum leik meira en Ísland. Efsta lið riðilsins tryggir sér farmiða á HM.
