A karla mætir N-Makedóníu á sunnudag
A landslið karla mætir Norður-Makedóníu í lokaleik sínum í undankeppni HM 2022 á sunnudag. Leikið er á National Arena Todor Proeski í Skopje og hefst leikurinn kl. 17:00 að íslenskum tíma, í beinni útsendingu á RÚV.
Allir leikir riðilsins hefjast á sama tíma. Þjóðverjar eru öruggir með efsta sætið og þar með sæti í úrslitakeppni HM 2022 í Katar, en baráttan um annað sætið er fyrst og fremst á milli Norður-Makedóníu og Rúmeníu, þó Armenía eigi enn tölfræðilega möguleika. Ísland er með 9 stig og getur með sigri komist upp fyrir Armeníu, ef Armenar tapa sínum leik.
Ísland og Norður-Makedónía hafa mæst fimm sinnum áður í A landsliðum karla. Einu sinni hefur Ísland unnið sigur, einu sinni gerðu liðin jafntefli og N-Makedónar hafa unnið tvisvar.
