A karla í 60. sæti á FIFA-listanum
A landslið karla fellur um sjö sæti milli mánaða á styrkleikalista FIFA. Ísland er nú í 60. sæti listans og hóf árið í 46. sæti, en í næstu sætum fyrir ofan Ísland eru Jamaíka (59. sæti) og Kamerún (58. sæti). Belgía og Brasilía eru sem fyrr í efstu tveimur sætum listans, en England fer upp fyrir Frakkland í þriðja sætið. Danir komast inn á topp 10.
Á árinu 2020 mætti Ísland m.a. Belgíu, Englandi og Danmörku tvívegis í Þjóðadeild UEFA og eru þau lið öll á topp 10 í dag, auk umspilsleikja við Rúmeníu (42. sæti) og Ungverjaland (40. sæti), og vináttuleikja í janúarglugganum við Kanada (51. sæti) og El Salvador (65. sæti).
Á árinu 2021 hefur Ísland mætt einu liði á topp 10 til viðbótar, Mexíkó í vináttuleik í lok maí, auk leikja í undankeppni HM 2022 við Þýskaland (14. sæti), Armeníu (89. sæti), Liechtenstein (118. sæti), Rúmeníu (42. sæti) og Norður-Makedóníu (74. sæti), auk vináttuleikja við Pólland (24. sæti) og Færeyjar (114. sæti).
Styrkleikalisti FIFA - A landslið karla
Mynd með grein: Pawel Cieslikiewicz
