A karla - Ísland fer niður um eitt sæti á heimslista FIFA
Mynd - fotbolti.net - Hafliði Breiðfjörð
Ísland fer niður um eitt sæti á nýjum heimslista FIFA og er í dag í 53. sæti listans.
Síðasta útgáfa listans var gefin út 27. maí síðastliðinn og hefur Ísland leikið þrjá leiki síðan. Strákarnir töpuðu 1-2 gegn Mexíkó í Bandaríkjunum, unnu 1-0 sigur í Færeyjum og gerðu svo 2-2 jafntefli við Pólland.
Næsta verkefni liðsins eru þrír leikir í september í undankeppni HM 2022 og fara þeir allir fram á Laugardalsvelli. Ísland er í fimmta sæti riðilsins með þrjú stig eftir þrjá leiki.
Leikirnir
Ísland - Rúmenía 2. september kl. 18:45
Ísland - Norður Makedónía 5. september kl. 16:00
Ísland - Þýskaland 8. september kl. 18:45
Staða andstæðinga Íslands í undankeppninni á heimslista FIFA
Þýskaland - 16. sæti
Rúmenía - 45. sæti
Norður Makedónía - 72. sæti
Armenía - 88. sæti
Liechtenstein - 189. sæti
