Fótboltaæfingar hjá Íþróttafélaginu Ösp hefjast þriðjudaginn 20. júlí
Íþróttafélagið Ösp stendur fyrir fótboltaæfingum fyrir börn á þriðjudögum í sumar og fara þær fram á grasvelli hjá Þrótti R.
Fyrstu æfingarnar fara fram þriðjudaginn 20. júlí og eru þær tvískiptar, stúlkur æfa kl. 18:00 og drengir kl. 18:45.
Piotr Wojdat, þjálfari hjá Ösp, stjórnar æfingunum og hægt er að fá frekari upplýsingar hjá honum á piotr@hafnarfjordur.is
Íþróttafélagið Ösp var stofnað 18. Maí, 1980 af foreldra- og kennarafélagi Öskjuhlíðarskóla, með stuðningi frá Íþróttasambandi Fatlaðra. Markmið Íþróttafélagsins Aspar er að standa fyrir íþróttaæfingum hjá félögunum, með sem fjölbreyttustum hætti, þeim til heilsubótar og ánægju og þátttöku í íþróttamótum, þar sem hæfni hvers og eins nýtur sín sem best.
Hægt er að fá frekari upplýsingar um félagið á heimasíðu þess.
