Ísland mætir Póllandi 8. júní 2021
Mynd - fotbolti.net - Hafliði Breiðfjörð
Ísland mætir Póllandi 8. júní 2021 og fer leikurinn fram í Poznan.
Leikurinn hefst kl. 16:00 að íslenskum tíma. Þegar var búið að staðfesta að Ísland mætir Færeyjum í vináttuleik 4. júní og fer sá leikur fram í Færeyjum.
Ísland og Pólland hafa mæst sex sinnum. Pólland hefur unnið fimm af þeim leikjum og einn hefur endað með jafntefli. Ísland hefur skorað fimm mörk í leikjunum sex, en Pólland 13. Liðin mættust síðast 13. nóvember 2015 á Stadion Narodowy og endaði sá leikur með 4-2 sigri Póllands.Gylfi Þór Sigurðsson og Alfreð Finnbogason skoruðu mörk Íslands í leiknum.
