.jpg?proc=300x300){kind=logo}
Ný auglýsing heilbrigðisráðherra tekur gildi í dag
Ný reglugerðarbreyting heilbrigðisráðherra um málefni tengd Covid-19 hefur verið gefin út og tekur hún gildi frá og með 28. september. Eins og KSÍ hafði kynnt fyrir sínum aðildarfélögum er stærsta breytingin frá fyrri leiðbeiningum sú að börn 15 ára og yngri telja í fjöldatölu í áhorfendarýmum.
Af vef ÍSÍ:
Ný auglýsing heilbrigðisráðherra vegna COVID-19 tekur gildi 28. september n.k. og gildir til 18. október. Þær takmarkanir er snúa að íþróttum og áhorfendum eru óbreyttar frá fyrri auglýsingu. Sem fyrr eru íþróttir leyfðar svo framarlega sem sérsambönd ÍSÍ hafi gert sér reglur, með samþykki sóttvarnaryfirvalda, er varða æfingar og keppni í sinni grein.
Ekki er breyting á ákvæðum er eiga við skilyrði fyrir æfingum og keppni. Við iðkun íþrótta er það eingöngu á æfinga/keppnissvæði sem undanþága er veitt fyrir nálægðartakmörkunum. Áfram er óbreytt heimild fyrir áhorfendum á íþróttaviðburðum með ákveðnum skilyrðum.
Eins og áður eru það einstaklingsbundnu sóttvarnirnar og almennar smitvarnir sem mestum árangri skila í baráttunni gegn COVID-19.
Sjá frétt á heimasíðu heilbrigðisráðuneytisins
Reglugerð um breytingu á reglugerð nr. 864/2020 um takmörkun á samkomum vegna farsóttar
.jpg?proc=760){kind=logo}
