Dregið í 3. umferð Mjólkurbikarsins laugardaginn 13. júní
Dregið verður í þriðju umferð Mjólkurbikars karla og kvenna laugardaginn 13. júní á Stöð 2 Sport.
Drátturinn verður í beinni útsendingu í Grindavík að loknum leik Grindavíkur og ÍBV í Mjólkurbikar karla, en hann verður sýndur í beinni útsendingu á Stöð 2 Sport kl. 16:00. Um er að ræða 32 liða úrslit í karlaflokki og 16 liða úrslit í kvennaflokki.
Drátturinn fer því fram um kl. 18.00 þrátt fyrir að nokkrum leikjum verði ekki lokið á þeim tíma.
Í skálinni á laugardaginn verða sigurvegararnir úr 2. umferð, ásamt félögum í Pepsi Max deildum karla og kvenna.
