A karla - Ísland mætir Færeyjum 3. júní
A landslið karla mætir Færeyjum í vináttuleik 3. júni og fer leikurinn fram á Laugardalsvelli.
Liðin hafa mæst 25 sinnum. Ísland hefur unnið 23 leiki, einn hefur endað með jafntefli og Færeyjar unnið einn.
Síðasta viðureign liðanna fór fram 14. ágúst 2013 á Laugardalsvelli, en um var að ræða vináttuleik. Sá leikur endaði með 1-0 sigri Íslands og skoraði Kolbeinn Sigþórsson markið.
Þetta verður fyrri af tveimur vináttuleikjum liðsins í júní, en Ísland mætir Póllandi, ytra, 9. júní.
