A karla - Stefán Teitur Þórðarson kallaður inn í hópinn fyrir leikina gegn El Salvador og Kanada
Mynd - fotbolti.net - Hafliði Breiðfjörð
Stefán Teitur Þórðarson hefur verið kallaður inn í hóp A landsliðs karla sem mætir El Salvador og Kanada í janúar.
Hann kemur inn í hópinn í stað Emils Hallfreðssonar sem getur ekki tekið þátt í verkefninu.
Þetta er í fyrsta sinn sem Stefán Teitur er valinn í hóp hjá A landsliði karla, en hann hefur leikið 12 leiki með U21 ára landslið karla og skorað í þeim eitt mark.
