Mæta Moldóvu á sunnudag
A landslið karla mætir Moldóvu í lokaleik sínum í undankeppni EM 2020 á sunnudag. Leikið er í Chisinau, og hefst leikurinn kl. 19:45 að íslenskum tíma, í beinni útsendingu á RÚV. Íslenska liðið æfði að venju á keppnisvellinum daginn fyrir leik og tóku allir leikmenn þátt í æfingunni.
Ljóst er að efstu tvö sæti riðilsins eru Tyrkja og heimsmeistara Frakka, sem hafa þegar tryggt sæti sín í lokakeppninni næsta sumar. Með sigri á sunnudag tryggir íslenska liðið sér 3. sæti riðilsins. Ísland er með 16 stig fyrir þennan lokaleik, en Moldóvar eru á botni riðilsins með 3 stig.
Mynd með grein: Hafliði Breiðfjörð, Fótbolti.net
