Æft á keppnisvellinum í Istanbul
A landslið karla er komið til Istanbul þar sem liðið mætir Tyrkjum í undankeppni EM 2020 á fimmtudag. Venju samkvæmt var æft á keppnisvellinum daginn fyrir leik. Leikmenn tóku vel á því á æfingunni og skemmtu sér vel, enda hlakka allir til að mæta sterku liði Tyrkja á leikvangi sem er þekktur fyrir gríðarlegan hávaða og rafmagnað andrúmsloft.
Viðar Kjartansson er veikur og tekur ekki þátt í leiknum, en allir aðrir leikmenn í hópnum hafa æft af fullum krafti og eru klárir í slaginn. Sem kunnugt er þarf Ísland að vinna sigur í síðustu tveimur leikjum sínum í riðlinum og treysta á hagstæð úrslit í öðrum leikjum til að komast beint í lokakeppni EM. Að öðrum kosti er möguleiki á EM-sæti í gegnum umspil, en það ræðst ekki fyrr en að loknum síðustu tveimur umferðunum.
Mynd með grein: Hafliði Breiðfjörð, Fótbolti.net
