Hörður Björgvin meiddur
Hörður Björgvin Magnússon, leikmaður CSKA í Moskvu, hefur neyðst til að draga sig út úr leikmannahópi Íslands fyrir komandi leiki vegna ökklameiðsla sem hann varð fyrir á fimmtudag, en ekki er vitað hversu lengi Hörður verður frá. Ekki hefur verið tekin ákvörðun um hvort kallaður verði annar leikmaður í hópinn vegna meiðslanna, en eins og kunnugt er var staðfest fyrr í dag, sunnudag, að Aron Einar Gunnarsson yrði ekki með í leikjunum gegn Frakklandi og Andorra.
Mynd með grein: Hafliði Breiðfjörð, Fótbolti.net.
