A karla - Ísland áfram í A deild Þjóðadeildar Evrópu
Ísland verður áfram í A deild Þjóðadeildar Evrópu, en UEFA hefur tilkynnt um breytingar á keppninni.
Breytingarnar felast í því að nú verða 16 lið í A, B og C deild, en aðeins sjö lið í D deild.
Þetta þýðir að þau lið sem féllu úr A deild 2018 munu halda sæti sínu í deildinni. Ásamt Íslandi eru það Þýskaland, Króatía og Pólland.
Úkraína, Bosnía og Hersegóvína, Svíþjóð og Danmörk tryggðu sér sæti í A deild. Dregið verður í riðla 3. mars 2020 í Amsterdam.
