Úthlutun úr Mannvirkjasjóði 2019
Mynd - fotbolti.net - Hafliði Breiðfjörð
Stjórn KSÍ samþykkti á fundi sínum 15. maí síðastliðinn úthlutun úr Mannvirkjasjóði KSÍ. Þetta er í tólfta skiptið sem úthlutað er úr sjóðnum, en 32 umsóknir bárust.
Á fundum mannvirkjanefndar þann 11. apríl og 10. maí fóru nefndin og framkvæmdastjóri KSÍ yfir allar innsendar umsóknir og var unnið heildstætt mat á öllum umsóknum. Nefndin mat allar umsóknir með gildandi skorkorti út frá innsendum upplýsingum og útbjó þannig lista með einkunnagjöf sem er grunnurinn að tillögu nefndarinnar og framkvæmdastjóra til stjórnar KSÍ.
Á fundi stjórnar KSÍ 20. febrúar sl. voru samþykktar breytingar á reglugerð KSÍ um mannvirkjasjóð KSÍ. Reglugerðin hefur þegar verið birt á heimasíðu KSÍ og gildir fyrir árið 2019. Hægt er að lesa frekar um þær breytingar hér að neðan, t.a.m um skorkortið:
Breytingar á reglugerð um mannvirkjasjóð KSÍ
| Umsækjandi | Verkefni | Afgreiðsla stjórnar |
| Breiðablik | Endurnýjun gervigras í Fagralundi | 4.500.000 |
| Breiðablik | Flóðlýsing á Kópavogsvöll | 4.500.000 |
| Breiðablik | Gervigras á Kópavogsvöll, hitalagnir og vökvunarkerfi | 3.500.000 |
| Einherji | Vallarhús, nýbygging | 10.000.000 |
| FH | Nýbygging, knatthúsið Skessan | 3.250.000 |
| FH | Gervigras í knatthúsið Skessuna | 7.000.000 |
| Grindavík | Uppbygging aðstöðu við stúku og knatthúsið | 7.000.000 |
| Höttur | Endurnýjun varamannaskýla á Vilhjálmsvelli/Fellavelli | 700.000 |
| Huginn | Endurnýjun grasvallar | 3.000.000 |
| ÍBV | Nýir búningsklefar á Hásteinsvelli | 3.250.000 |
| Magni | Vallarhús og stúka | 2.000.000 |
| Valur | Varamannaskýli á Friðriksvöll | 300.000 |
| Þróttur Vogum | Varamannaskýli og aðstaða við Vogabæjarvöll | 1.000.000 |
.png?proc=760)
