Landsliðshópar tilkynntir í vikunni
Í vikunni verða tilkynntir leikmannahópar fyrir næstu verkefni A landsliða karla og kvenna.
Á miðvikudag kl. 14:15 tilkynnir Jón Þór Hauksson, þjálfari A kvenna, sinn hóp fyrir tvo vináttuleiki gegn Finnum - 13. og 17. júní. Leikirnir eru liður í undirbúningi liðsins fyrir undankeppni EM 2021, sem hefst í lok ágúst og byrjun september með tveimur heimaleikjum.
Á föstudag kl. 13:15 opinberar Erik Hamrén, þjálfari A karla, leikmannahópinn fyrir næstu tvo leiki í undankeppni EM 2020, heimaleiki gegn Albaníu 8. júní og gegn Tyrklandi 11. júní. Miðasala á leikina tvo er í fullum gangi á Tix.is. Kaupendur ársmiða sem eiga eftir að sækja sína miða eru hvattir til að gera það sem fyrst. Skrifstofa KSÍ er opin alla virka daga frá 8-16 og eru ársmiðarnir afhentir í afgreiðslu á 2. hæð.
.jpg?proc=760)
