Íslandsmótið hefst 26. apríl
Íslandsmótið í knattspyrnu hefst föstudaginn 26. apríl næstkomandi með viðureign Íslandsmeistara Vals við Víking R. í Pepsi Max deild karla. Fyrsta umferð deildarinnar klárast síðan með fimm leikjum laugardaginn 27. apríl. Fyrsta umferð Inkasso-deildar karla fer fram 4. og 5. maí, og 2. og 3. deild karla hefst um sama leyti.
Pepsi Max deild kvenna hefst 2. maí með fjórum leikjum og fyrsta umferð Inkasso-deildar kvenna fer fram 9. og 10. maí. Keppni í 2. deild kvenna hefst 11. maí og fyrstu leikir í 4. deild karla fara fram 12.-15. maí.
Mynd: Hafliði Breiðfjörð, Fótbolti.net
