Ellert Þórarinsson og Magnús Valur Böðvarsson vallarstjórar ársins
Aðalfundur Samtaka íþrótta- og golfvallastarfsmanna á Íslandi (SÍGÍ) fyrir árið 2018 var haldinn í golfskála Keilis þann 15. febrúar síðastliðinn.
Fundargestir voru yfir 45 og fundarstjóri var kosinn Ólafur Þór Ágústsson og Birgir Jóhannsson ritari. Steindór Kr. Ragnarsson formaður SÍGÍ fór yfir liðið ár hjá félaginu, Jóhann G. Kristinsson gjaldkeri SÍGÍ fór yfir rekstrarreikning félagsins. Rekstur félagsins gekk vel á árinu og var hagnaður upp á tæpar 73.356 kr-.
Stjórn SÍGÍ árið 2018 var skipuð þeim: Steindór Kr. Ragnarsson Formaður, Jóhann G. Kristinsson Gjaldkeri, Einar Gestur Jónasson, Birgir Jóhannsson og Róbert Már Halldórsson meðstjórnendur og varamenn voru: Ellert Jón Þórarinsson og Arnaldur Freyr Birgisson
Kosnir voru í stjórn SÍGÍ fyrir 2019: Steindór Kr. Ragnarsson formaður til 1 árs, Ellert Jón Þórarinsson, Jóhann G. Kristinsson gjaldkeri til tveggja ára. Varamenn voru kosnir Haukur Jónsson og Hólmar Freyr Christiansson til 1. árs. Einar Gestur Jónasson og Birgir Jóhannsson voru ekki í kjöri og sitja sitt seinna ár.
Þá var tilkynnt um kjör á vallarstjórum ársins en Ellert Þórarinsson Brautarholti og Magnús Valur Böðvarsson á Kópavogsvelli sem hlutu hnossið í ár og óskum við þeim kærlega til hamingju.
Góð umræða skapaðist á fundinum og ljóst að félagarnir voru spenntir og áhugasamir fyrir ráðstefnunni sem var í beinu framhaldi eftir fundinn.
