Námskeið fyrir dómara mánudaginn 19. mars
Námskeið fyrir dómara verður haldið í höfuðstöðvum KSÍ, mánudaginn 19. mars kl. 18:00, en Kristinn Jakobsson, fyrrum FIFA dómari mun kenna á námskeiðinu.
Aðaláherslan verður lögð á leikstjórn, nýjar hagnýtar leiðbeiningar fyrir dómara og fyrirmæli dómaranefndar.
Auk þess geta þátttakendur spurt Kristin spjörunum úr um hin ýmsu málefni sem tengjast dómgæslunni.
Áætlað er að námskeiðið standi yfir í tvær klukkustundir.
Námskeiðið er ætlað öllum starfandi dómurum sem áhuga hafa á því að bæta sig í starfi.
Skráning er hafin á magnus@ksi.is