Málþing um stöðu og framtíð knattspyrnunnar á Íslandi vel sótt
KSÍ stóð í dag fyrir málþingi í tengslum við Ársþing KSÍ 2018 undir yfirskriftinni:Sækjum fram #fyririsland - Málþing um stöðu og framtíð knattspyrnunnar á Íslandi.
Þingið var mjög vel sótt og var salurinn fullur. Þá var bein útsending frá því á miðlum KSÍ.
Freyr Alexandersson, landsliðsþjálfari A kvenna, Heimir Hallgrímsson, landsliðsþjálfari A karla, Ólafur Kristjánsson, þjálfari FH, og Gunnar Már Guðmundsson, yfirþjálfari Fjölnis, héldu fyrirlestra og pallborðsumræður voru að þeim loknum.
Freyr og Heimir fjölluðu um hvar við stöndum í samanburði við þær og þá bestu, Ólafur um samanburð á þjálfun bestu leikmanna á Íslandi og í Danmörku og Gunnar Már um það hvernig félögin og KSÍ geta unnið í sameiningu að bætingu leikmanna.
Hér að neðan má sjá myndir af þinginu
