Á nýjum styrkleikaslista FIFA, sem út kom í morgun, er íslenska karlalandsliðið í 20. sæti og hefur það aldrei verið hærra. Ísland fer upp um eitt sæti frá síðasta lista en Argentína trónir á toppi listans og Brasilía koma næstir.
Af mótherjum Íslands í undankeppni HM er það að frétta að Króatía er í 16. sæti, Tyrkland í því 24. og Úkraína situr í sæti 30. Finnland er svo í 97. sæti og Kósóvó 165. sæti.
Bæði A landslið Íslands, karla- og kvennalandsliðið sitja sem stendur í 20. sæti styrkleikalistanna hjá FIFA sem hlýtur að teljast góður árangur. Innan aðildarlanda UEFA er kvennalandsliðið í 11. sæti en karlarnir í því tólfta.