A kvenna - Leikið við Holland 11. apríl
Knattspyrnusambönd Íslands og Hollands hafa komist að samkomulagi um að kvennalandslið þjóðanna leiki vináttulandsleik De Vijverberg vellinum í Doetinchem, þann 11. apríl næstkomandi. Leikurinn er liður í undirbúningi liðanna fyrir úrslitakeppni EM í sumar en Ísland mun einmitt leika á þessum velli í úrslitakeppninni þegar það mætir Sviss, laugardaginn 22. júlí.
Ísland og Holland hafa mæst 8 sinnum til þessa hjá A landsliði kvenna og hafa Íslendingar unnið 6 sinnum, einu sinni hefur orðið jafntefli og Holland hefur unnið einu sinni. Síðast mættust þjóðirnar í vináttulandsleik í Kórnum í apríl 2015 og hafði Ísland þá betur, 2 – 1, með mörkum frá Gunnhildi Yrsu Jónsdóttur og Söru Björk Gunnarsdóttur.
.jpg?proc=760)
.jpg?proc=760)
