fös. 05. ágú. 2016
Landslið

A karla - Mótsmiðasala fyrir undankeppni HM hefst vikuna 15. - 19. ágúst

Hægt verður að kaupa mótsmiða á undankeppni HM karla sem hefst í september. Mótsmiði gildir á alla leiki í undankeppni HM sem leiknir eru á Íslandi.

Opnað verður fyrir mótsmiðasölu á leiki Íslands í undankeppni HM 2018 í vikunni 15.-19. ágúst.

Mótsmiðar

Opnað verður fyrir mótsmiðasölu á leiki Íslands í undankeppni HM 2018 í vikunni 15.-19. ágúst - eftir bikarúrslitahelgi.
Mótsmiðahafi tryggir sér sama sæti á á Laugardalsvelli á öllum fimm heimaleikjum íslenska liðsins í undankeppninni. Hægt er að kaupa mótsmiða í þrjú svæði og þar með í þremur verðflokkum eins og áður.
Seldir verða rúmlega 300 miðar í hvert af þessum þremur svæðum, eða um 1000 miðar alls, sem er um 10% af sætaframboði vallarins. Mest er hægt að kaupa fjóra mótsmiða á hverja kennitölu.
Sala mótsmiðanna fer fram á vefsíðunni midi.is og verða frekari upplýsingar veittar þegar nær dregur.
Þetta er í annað sinn sem KSÍ selur mótsmiða á leiki A landsliðs karla, en í fyrsta sinn sem það var gert var í undankeppni EM2016. Í mótsmiðasölunni fyrir HM 2018 gildir fyrstur kemur, fyrstur fær og verður enginn forgangur fyrir þá keyptu mótsmiða í síðustu undankeppni.
Það er ekki hægt að kaupa barnamiða í mótsmiðum og er það sama fyrirkomulag og var í undankeppni EM 2016.

Almennir miðar

Verða seldir u.þ.b. mánuði fyrir viðkomandi leik og verður miðasalann auglýst á heimasíðu KSÍ með 2-3 daga fyrirvara. Stefnt er að því að miðasalan fyrir leikina sem fram fara 6. og 9. október fari fram seinni partinn í vikunni 22-.26. ágúst – en í sömu viku mun einnig hefjast miðasala á undankeppni EM A kvenna.
Mest er hægt að kaupa fjóra miða á hverja kennitölu og ennfremur hafa miðaskilmálar verið endurskoðaðir m.a. með hliðsjón af miðaskilmálum UEFA fyrir EM2016.

Miðaverð – almennir miðar