U21 karla leikur í Skopje í dag kl. 13:00
U21 landslið karla mætir Makedóníu í mikilvægum leik í undankeppni EM 2017 í dag. Leikið er í Skopje og hefst leikurinn kl. 13:00 að íslenskum tíma. Allar upplýsingar um leikinn verður að finna á vef UEFA - byrjunarlið, textalýsingu frá leiknum og aðrar upplýsingar.
Íslenska liðið situr í efsta sæti riðilsins með 11 stig eftir 5 leiki, en fast á hæla þess fylgja Frakkar með 10 stig eftir jafnmarga leiki. Makedónar eiga hins vegar leik til góða og eru með 7 stig í þriðja sæti. Vinni þeir sigur á Íslendingum blanda þeir sér fyrir alvöru í baráttuna um efstu tvö sætin, en íslenskur sigur styrkir stöðu okkar pilta, enda eiga Frakkar tvo heimaleiki í keppninni fyrir mánaðarlok - við Skota og Makedóna.