KSÍ B próf - 18. apríl
Mánudaginn 18. apríl stendur fræðslusvið KSÍ fyrir KSÍ B prófi (UEFA B prófi). Prófið er opið öllum þjálfurum sem hafa klárað KSÍ I, II, III, IV, KSÍ B þjálfaraskólann og skilað öllum verkefnum á fullnægjandi hátt (engar undantekningar eru gerðar).
Ljúka þarf KSÍ B þjálfaraskólanum a.m.k. viku fyrir prófið, þ.e.a.s. í síðasta lagi 11. apríl.
Prófað er úr öllu námsefni KSÍ I, II, III og IV og úr nýjustu útgáfu af knattspyrnulögunum (http://www.ksi.is/domaramal/knattspyrnulogin/). Engin hjálpargögn eru leyfð í prófinu. Ef þjálfurum sem hyggjast taka prófið vantar einhver gögn, vinsamlegast hafið samband við undirritaðan.
Þær bækur sem afhentar eru á KSÍ I-IV og eru þ.a.l. til prófs eru eftirfarandi:
- Kennslu og æfingaskrá fyrir barna- og unglingaþjálfun í knattspyrnu (KSÍ I)
- Þjálffræði (KSÍ II)
- Markmaður - færni og þjálfun (KSÍ III)
- Loftháð og loftfirrt þjálfun knattspyrnumanna (KSÍ III)
Prófið fer fram í fræðslusetri KSÍ í Laugardal, hefst stundvíslega kl. 16:00 og próftími er tvær klukkustundir. Þátttakendur sem búa á landsbyggðinni og vilja taka prófið í sinni heimabyggð, þurfa að hafa samband tímanlega við fræðslusvið KSÍ (dagur@ksi.is), svo hægt sé að gera viðeigandi ráðstafanir. Prófið byrjar á sama tíma um allt land.
Próftöku- og skírteinisgjald er 3.000 krónur.
Opið er fyrir skráningu í prófið en hægt er að skrá sig með því að senda tölvupóst á dagur@ksi.is eða hringja í síma 510-2977. Þær upplýsingar sem þurfa að koma fram við skráningu eru eftirfarandi: nafn, kennitala, símanúmer, tölvupóstfang, fæðingarstaður og félag.