Miðasala á Danmörk - Ísland 24. mars
A landslið karla leikur tvo vináttulandsleiki í mars, fyrst gegn Dönum í Herning 24. mars og síðan gegn Grikkjum í Aþenu 29. mars. Opnað hefur verið fyrir miðasölu á leikinn við Dani.
Miðasalan fer fram í gegnum miðasöluvef danska knattspyrnusambandsins, www.billetsalg.dbu.dk. Stuðningsmenn Íslands sem hyggjast mæta á leikinn eru hvattir til að kaupa miða í svæði sem merkt er “Udehold” og er á milli “Nord Tribune” og "Øst Tribune”. Á miðasöluvefnum undir hlekknum hér að framan er hægt að skoða upplýsingar um verð og fleira.
Leikurinn fer fram á MCH-leikvanginum í Herning, sem er heimavöllur FC Midtjylland. Leikvangurinn tekur alls 11.500 áhorfendur og þar af 7.300 í sæti.
.jpg?proc=760)
.jpg?proc=760)
