Miðasala á Ísland – Lettland hefst föstudaginn 11. september kl. 12:00
A landslið karla tekur á móti Lettlandi laugardaginn 10. október kl. 16:00 og er það seinasti heimaleikur íslenska liðsins í undankeppni EM 2016. Sem kunnugt er hefur sæti í úrslitakeppninni þegar verið tryggt, en leikmenn og þjálfarar liðsins stefna ótrauðir á að halda efsta sæti riðilsins til loka.
Miðasala á leikinn hefst kl. 12:00 á hádegi, föstudaginn 11. september, og fer fram í gegnum miðasölukerfi hjá midi.is.
Eftir eru um 5.000 miðar á leikinn en áður hafa verið seldir mótsmiðar á alla heimaleiki Íslands í keppninni.
Miðaverð
Leikdagur/Fullt verð | Forsöluverð | |
Svæði I (rautt svæði) | 6.000 kr. | 5.500 kr. |
Svæði II (blátt svæði) | 4.000 kr. | 3.500 kr. |
Svæði III (grænt svæði) | 3.000 kr. | 2.500 kr. |
Börn 16 ára og yngri fá 50% afslátt af miðaverði og reiknast afslátturinn af fullu verði.