Íslenskir fulltrúar í nefndum UEFA 2015-2019
UEFA hefur staðfest nefndaskipan fyrir árin 2015-2019 og sem fyrr eru íslenskir fulltrúar á lykilsviðum. KSÍ hefur kappkostað að vera virkt í innra starfi UEFA og er þessi þátttaka í alþjóðlegum verkefnum viðurkenning á því starfi.
Geir Þorsteinsson, formaður KSÍ, er áfram í nefnd UEFA um mót landsliða, en hefur nú verið skipaður fyrsti varaformaður nefndarinnar, sem sér m.a. um skipulagningu á úrslitakeppni EM karlalandsliða. Guðrún Inga Sívertsen, varaformaður KSÍ, er áfram í nefnd UEFA um kvennaknattspyrnu. Lúðvík Georgsson, formaður leyfisráðs, er áfram í leyfisnefnd UEFA. Þá hefur Klara Bjartmarz, framkvæmdastjóri KSÍ, verið skipuð í nefnd UEFA um háttvísi og samfélagslega ábyrgð.
Öll munu þau starfa í fyrrgreindum nefndum næstu fjögur árin.
