Miðasala á Ísland – Tékkland hefst föstudaginn 15. maí kl. 12:00
Föstudaginn 12. júní tekur Ísland á móti Tékklandi í undankeppni EM á Laugardalsvelli og hefst leikurinn kl. 18:45. Miðasala á leikinn hefst kl. 12:00 á hádegi, föstudaginn 15. maí, og fer fram í gegnum miðasölukerfi hjá www.midi.is.
Eftir eru um 4.000 miðar á leikinn en áður hafa verið seldir mótsmiðar á alla heimaleiki Íslands í keppninni.
Miðaverð:
Leikdagur/Fullt verð Forsöluverð
- Svæði I (Rautt svæði) 6.000 kr. 5.500 kr.
- Svæði II (Blátt svæði) 4.000 kr. 3.500 kr.
- Svæði III (Grænt svæði) 3.000 kr. 2.500 kr.
Börn 16 ára og yngri fá 50% afslátt af miðaverði og reiknast afslátturinn af fullu verði.