Styrkleikalisti FIFA - Karlalandsliðið í 38. sæti
Íslenska karlalandsliðið er í 38. sæti á nýjum styrkleikalista FIFA sem gefinn var út í morgun. Ísland fellur niður um 3 sæti frá síðasta lista en Þjóðverjar eru sem fyrr í efsta sæti listans og Argentína er í öðru sæti.
Af mótherjum Íslands í riðlakeppni EM er það að frétta að Holland er í 6. sæti listans, Tékkland í 19. sæti og Tyrkland í 52. sæti. Lettland er svo í 85. sæti og Kasakstan er í 133. sæti á styrkleikalista FIFA.