Byrjunarliðið sem mætir Kanada kl. 21:00
Landsliðsþjálfararnir, Heimir Hallgrímsson og Lars Lagerbäck, hafa tilkynnt byrjunarliðið sem mætir Kanada i seinni vináttulandsleik þjóðanna á fjórum dögum en leikið verður í Orlando. Gerðar eru átta breytingar frá byrjunarliðinu frá síðasta leik en leikurinn hefst kl. 21:00 að íslenskum tíma og verður sýndir í beinni útsendingu hjá SkjáSport.
Byrjunarliðið er þannig skipað:
- Markvörður: Ögmundur Kristinsson
- Hægri bakvörður: Haukar Heiðar Hauksson
- Vinstri bakvörður: Hörður Árnason
- Miðverðir: Hallgrímur Jónasson, fyrirliði og Jón Guðni Fjóluson
- Hægri kantur: Rúrik Gíslason
- Vinstri kantur: Þórarinn Ingi Valdimarsson
- Tengiliðir: Guðmundur Þórarinsson og Rúnar Már Sigurjónsson
- Framherjar: Hólmbert Aron Friðjónsson og Jón Daði Böðvarsson
Eins og venjan er í vináttulandsleikjum þá eru leyfðar sex innáskiptingar hjá hvoru liði.