Miðasala á Ísland – Holland hefst fimmtudaginn 18. september kl. 12:00
Mánudaginn 13. október tekur Ísland á móti Hollandi í undankeppni EM á Laugardalsvelli og hefst leikurinn kl. 18:45. Miðasala á leikinn hefst kl. 12:00 á hádegi, fimmtudaginn 18. september, og fer fram í gegnum miðasölukerfi hjá www.midi.is.
Holland er svo sannarlega ein af stórþjóðunum í knattspyrnuheiminum og hampaði bronsverðlaununum á HM í Brasilíu í sumar. Fjölmargar stórstjörnur eru í hollenska hópnum sem leika með mörgum af þekktustu knattspyrnufélögum heims.
Þetta verður svo sannarlega verðugt verkefni hjá strákunum okkar sem eru til alls líklegir eftir frábæran sigur á Tyrkjum í fyrsta leiknum. Stemningin var frábær á vellinum þá og verður spennandi að sjá hverju íslenskir áhorfendur áorka þetta mánudagskvöld í Laugardalnum.
Ljóst er að það eru margir sem vilja tryggja sér miða á þennan leik og því um að gera að hafa hraðar hendur.
Miðaverð:
Leikdagur/Fullt verð Forsöluverð
- Svæði I (Rautt svæði) 6.000 kr. 5.500 kr.
- Svæði II (Blátt svæði) 4.000 kr. 3.500 kr.
- Svæði III (Grænt svæði) 3.000 kr. 2.500 kr.
Börn 16 ára og yngri fá 50% afslátt af miðaverði og reiknast afslátturinn af fullu verði.
.jpg?proc=760)
.jpg?proc=760)
