A karla – Miðasala á Ísland – Tyrkland hefst föstudaginn 22. ágúst
Ísland tekur á móti Tyrklandi í fyrsta leiknum í undankeppni EM 2016 og fer leikurinn fram á Laugardalsvelli, þriðjudaginn 9. september kl. 18:45. Miðasala á leikinn hefst föstudaginn 22. ágúst kl. 12:00 á hádegi og fer, sem fyrr, fram í gegnum miðasölukerfi hjá www.midi.is.
Tyrkir eru sem stendur á 32. sæti styrkleikalista FIFA og ljóst er að um hörkuleik verður að ræða þetta þriðjudagskvöld. Riðill Íslands er erfiður og spennandi og Tyrkir spennandi andstæðingur í þessum fyrsta heimaleik.
Baráttan verður hörð í riðlinum og alveg ljóst að hlutur áhorfenda mun verða stór í þessari undankeppni. Stuðningur áhorfenda var frábær í síðustu keppni og ljóst að margir bíða með tilhlökkun eftir þessum fyrsta heimaleik Íslands.
Miðaverð:
Leikdagur/Fullt verð Forsöluverð
- Svæði I 6.000 kr. 5.500 kr.
- Svæði II 4.000 kr. 3.500 kr.
- Svæði III 3.000 kr. 2.500 kr.
Börn 16 ára og yngri fá 50% afslátt af miðaverði og reiknast afslátturinn af fullu verði.