Ólympíuleikar ungmenna settir í Nanjing 16. ágúst
Þann 16. ágúst verða Ólympíuleikar ungmenna settir í borginni Nanjing í Kína. Ísland sendir keppendur í knattspyrnu drengja (U15) og í sundi á leikana, ásamt fylgdarmönnum, og er fjöldi keppenda 20 talsins. Um er að ræða aðra sumarólympíuleika ungmenna, en þeir fyrstu fóru fram í Singapore 2010.
Knattspyrnuliðið á fyrsta leik áður en leikarnir verða settir formlega, en þann 15. ágúst keppir liðið við Hondúras og er það fyrsti leikurinn í keppni drengja. Annar leikurinn verður svo við Perú mánudaginn 18. ágúst.
Fánaberi Íslands á setningarhátíð leikanna verður Sunneva Dögg Friðriksdóttir, keppandi í sundi.
Upplýsingar um leikana má finna á vef ÍSÍ auk þess sem að fésbókarsíða ÍSÍ mun segja frá leikunum.
Ýmsar upplýsingar (PDF)
.jpg?proc=760)
.jpg?proc=760)
