Landsliðshópurinn sem mætir Dönum 21. ágúst

15 leikmenn af 20 frá íslenskum félagsliðum

Fimm leikmenn af 20 eru á mála hjá erlendum félagsliðum, sem er nokkur breyting frá því fyrr í sumar, þegar 9 af 20 leikmönnum léku erlendis.

Sex íslensk félagslið eiga fulltrúa í hópnum.  Þar af á Stjarnan fimm leikmenn, Valur fjóra og Breiðablik þrjá. Önnur íslensk félög sem eiga fulltrúa eru Fylkir, Selfoss og Þór/KA.

Tveir leikmenn í hópnum hafa ekki leikið A-landsleik, en það eru þær Sonný Lára Þráinsdóttir og Arna Sif Ásgrímsdóttir.  Arna Sif hefur leikið tæplega 40 leiki með yngri landsliðum Íslands (U17, U19 og U23), en Sonný Lára hefur ekki leikið með neinu yngra landsliði.  

Landsliðshópurinn