Úrtökumót KSÍ fyrir stúlkur á Laugarvatni 8. - 10. ágúst
Úrtökumót KSÍ árið 2014 fyrir stúlkur verður haldið á Laugarvatni, dagana 8. - 10. ágúst. Umsjón með mótinu hefur Úlfar Hinriksson landsliðsþjálfari U17 kvenna og honum til aðstoðar er Mist Rúnarsdóttir. Félög leikmanna og leikmenn eru beðin um að kynna sér eftirfarandi upplýsingar:
Dagskrá og nafnalisti
Hér að neðan er dagskrá fyrir úrtökumótið og nafnalisti yfir þá leikmenn sem hafa verið valdir.
Ferðakostnaður
KSÍ greiðir ferðakostnað á Laugarvatn en mæting er á skrifstofu KSÍ föstudaginn 8. ágúst klukkan 13.00.
KSÍ greiðir kostnað við flug leikmanna til Reykjavíkur, vinsamlegast hafið samband við skrifstofu KSÍ sem fyrst vegna þess (ath. ef pantað er flug fyrir leikmann þá þarf að panta flug á ÍSÍ fargjaldi). Fyrir þá sem þurfa að panta flug með Flugfélagi Íslands, vinsamlegast hafið sambandi við hópadeildina í síma 5703035 til að bóka flug.
Kostnaður við gistingu og fæði
Félög leikmanna greiða kostnað við gistingu og fæði og skal hvert félag greiða kr. 14.000 fyrir hvern þátttakanda. Þessi greiðsla skal berast KSÍ eigi síðar en miðvikudaginn 6. ágúst á reikning KSÍ (0101- 26-700400 / kt. 700169-3679). Nauðsynlegt er að skýring berist með bankagreiðslu (kennitala greiðanda).
Þessi greiðsla er staðfesting á þátttöku leikmanns. Öll forföll skal tilkynna til skrifstofu KSÍ.
Fæði og gisting er í Íþróttamiðstöð Íslands á Laugarvatni.
Lokaðar æfingar (leikir)
Æfingar (leikir) á úrtökumótinu eru lokaðar utanaðkomandi aðilum utan þess að þjálfurum og aðstandendum viðkomandi leikmanna er heimilt að vera viðstaddir æfingarnar. Þeir þjálfarar sem óska eftir því að vera viðstaddir æfingar og leiki er bent á að hafa samband við undirritaða í tíma.
Þátttakendur þurfa að hafa með sér
Svefnpoka eða sæng, kodda, lak, keppnisútbúnað, æfingagalla, sundföt, handklæði og snyrtidót.
.jpg?proc=760)
.jpg?proc=760)
