U17 karla - Leikið við Noreg í dag kl. 14:00
Strákarnir í U17 leika í dag fyrri vináttulandsleik sinn við Noreg og hefst leikurinn kl. 14:00, föstudaginn 28. febrúar, í Kórnum. Síðari leikur þjóðanna fer einnig fram í Kórnum, sunnudaginn 2. mars kl. 11:00.
Við hvetjum knattspyrnuáhugafólk til þess að fjölmenna í Kórinn og sjá marga af okkar efnilegustu knattspyrnumönnum í leik.
Fannar Orri Sævarsson, Keflavík, hefur einnig verið valinn í U17 hópinn fyrir þessa tvo leiki. Telur hópurinn nú 21 leikmann.