Úrslitakeppni EM - Ísland mætir Noregi í dag kl. 16:00
Stóra stundin rennur upp k. 16:00 í dag þegar Ísland mætir Noregi í úrslitakeppni EM kvenna en keppnin fer fram í Svíþjóð. Leikið er í Kalmar en en hinar þjóðirnar í riðlinum, Holland og Þýskaland mætast einnig í dag.
Leikurinn er í beinni útsendingu hjá RÚV og hefst umfjöllun þar um leikinn kl. 15:30 en leikurinn sjálfur, eins og áður sagði kl. 16:00.
Fyrstu leikir mótsins fóru fram í gær. Svíar gerðu 1 - 1 jafntefli gegn Dönum þar sem tvær vítaspyrnur fóru í súginn hjá gestgjöfunum. Þá gerðu Finnar og Ítalir markalaust jafntefli en þessar þjóðir leika í A - riðli.